Íslensk birkifræ til sjálfstæðismanna í Mosfellsbæ

Um helgina var fjör í prófkjörstússinu á laugardag fékk ég fjölda góðra stuðningsmanna til að aðstoða mig við að bera út skilaboð til flokksfélaga í Mosfellsbæ.  Fengu félagsmenn send frá mér íslensk birkifræ til að gróðursetja með hækkandi sól. 

Þau eru til marks um það samfélag sem ég vil rækta í Mosfellsbæ.  Samfélag sem einkennist af fallegri náttúru, fjölbreyttu mannlífi, fjölskylduvænu umhverfi og blómlegu atvinnulífi.  Með frjóa hugsun að leiðarljósi sköpum við bæjarfélag þar sem fólk og fyrirtæki finna fræjum sínum góðan jarðveg til að vaxa og dafna.