Miðbæ í Mosfellsbæ

Greinin birtist í Morgunblaðinu 18. jan 2010

Miðbæ í Mosfellsbæ Mosfellsbær er innrammaður fallegri náttúru og óvíða eru tækifæri til íþróttaiðkunar og útivistar meiri en þar.  Þau eru ekki mörg sveitafélögin sem geta státað að jafn góðu bæjarstæði og Mosfellsbær. En það er eitt sem vantar tilfinnanlega og það er miðbær með blómlegu mannlífi. Virk aðkoma bæjarbúaÍ Mosfellsbæ ríkir sérstakur bæjarbragur sem mikilvægt er að halda í þrátt fyrir að bæjarfélagið sé í örum vexti. Á undanförnum misserum hefur skipulags- og bygginganefnd bæjarins unnið að skipulagi á nýjum miðbæ með náttúrulegri og grænni ásýnd. Við þá vinnu var rík áhersla lögð á samstarf við bæjarbúa og að fá fram hverjar þarfir og væntingar þeirra til miðbæjarins eru.  Framkvæmd var skoðanakönnun og í kjölfarið settir upp rýnihópar til að fara yfir fyrstu tillögur að nýju miðbæjarskipulagi.  Niðurstaða þessara kannana var sú að 67% íbúa heimsækir miðbæinn á tveggja til fjögurra daga fresti.  Flestir Mosfellingar kaupa matvöru í miðbænum og almennt var fólk sammála um þörf fyrir fleiri sérverslanir.  Þátttakendur voru líka sammála um nauðsyn þess að ásýnd miðbæjarins sé náttúruleg og fjölskylduvæn.   Grænn og fjölskylduvænn miðbærKlöppunum í miðjum bænum er gert hátt undir höfði í nýja skipulaginu enda skipa þær stóran sess í hugum margra íbúa. Skrúðgarður sem er til staðar við Bjarkarholt mun verða hluti af miðbænum. Glæsilegri byggingu sem á að hýsa kirkju og menningarhús er ætlað að verða hornsteinn í nýjum miðbæ. Jafnframt mun framtíðar staðsetning framhaldsskólans í miðbænum verða til þess að glæða hann lífi.  Í störfum mínum í skipulags- og byggingarnefnd hef ég lagt mikla áherslu á unnið væri heilsteypt skipulag sem strax sé hægt að byrja að vinna eftir.  Nýja miðbæjarskipulagið hefur hlotið víðtæka umræðu og kynningu þar sem leitast var við að fara nýjar leiðir við að virkja íbúana í umræðunni og kalla eftir þeirra sjónarmiðum. Bryndís HaraldsdóttirFormaður skipulags- og bygginganefndar Mosfellsbæjar.

 

Tvöföldun Vesturlandsvegar í sjónmáli

Það var ánægjuleg frétt í Morgunblaðinu í morgun þar sem sagt var frá því að framkvæmdir við tvöföldun Vesturlandsvegar væri svo gott sem tilbúnar fyrir útboð af hálfu Vegagaerðarinnar. 

Að sögn samgönguráðherra gæti vinna við þessar framkvæmdir hafist í byrjun sumars, maí eða júní. Gangi það eftir lýkur þeim á næsta ári.

Um er að ræða tvöföldun frá hringtorginu við Þverholt að Þingvallarafleggjara. Hringtorgið við Varmá verður stækkað og gerðar hljóðmanir við Áslandshverfi. Mosfellingar hafa lengi barist fyrir því að umferðaröryggi og hljóðvist á þessum kafla yrði bætt og er nú loks útlit fyrir að af því verði.

Af www.mos.is
"Að sögn upplýsingafulltrúa Vegagerðarinnar, G. Péturs Matthíassonar,  er um að ræða framkvæmdir sem kosta munu um 500 milljónir króna. Í þeim felst tvöföldun 1,5 km kafla frá Hafravatnsvegi að Þingvallavegamótum, tvöföldun hringtorgsins við Álafossveg, lenging undirganga fyrir göngu-, hjólreiða- og reiðfólk við Varmá, lenging stálundirgangna fyrir göngu- og hjólreiðafólk, breikkun brúar yfir Varmá, gerð göngubrúar yfir Varmá, gerð reið-, göngu- og hjólreiðastíga meðfram Vesturlandsvegi, ásamt hljóðmön milli vegar og byggðar við Áslandshverfi. Verkið verður unnið í samráði við Mosfellsbæ.

Undirbúningur útboðs er langt kominn, að sögn G. Péturs. Ef samgönguráðherra og fjármálaráðherra taka ákvörðun fljótlega um að ráðast í verkið verði hægt að bjóða það út í mars. Samningar við verktaka yrðu væntanlega gerðir í maí og hægt að hefja framkvæmdir fljótlega upp úr því. Verklok eru áætluð haustið 2011.

Haraldur Sverrisson, bæjarstjóri Mosfellsbæjar, segir þetta gleðifréttir fyrir Mosfellinga og aðra vegfarendur um Vesturlandsveg. “Það er ánægjulegt að það hafi verið hlustað á okkar rök í málinu sem við höfum verið dugleg að koma á framfæri. Við erum þakklát fyrir skilning Kristjáns Möller samgönguráðherra á málinu,” segir Haraldur."

Tvöföldun Vesturlandsvegar er mikilvægt hagsmuna mál fyrir Mosfellinga bæði eru það umferðaöryggisleg sjónarmið svo og er mikilvægt að bæta samgöngur en á háannatíma er Vesturlandsvegurinn ekki að anna umferðarmagninu og sitja íbúar löngum í bílum sínum að bíða færis með að komast inn á vegin í gegnum hringtorgin okkar.  Þessi áfangi er mikilvægt skref en í framtíðinni vil ég sjá að Vesturlandsvegur sé lagður í stokk í gegnum miðbæinn.

Útivistabærinn Mosfellsbær

Mosfellsbær er innrammaður fallegri náttúru og óvíða eru tækifæri til íþróttaiðkunar og útivistar meiri en hér. .  Ég get skokkað eða riðið út meðfram strandlengjunni. Farið með börnin mín í fjöruferð, skógarferð eða í fjallgöngu. Skellt mér á sæþotu á Hafravatni eða farið í golf. Og allt er þetta nánast í túninu heima.  Örskotstund tekur svo að keyra inn í höfuðborgina þegar á því þarf að halda. Það geta ekki mörg sveitafélög státað að jafn góðu bæjarstæði og Mosfellsbær. Sveitarfélagið hefur vaxið gríðarlega á síðustu árum og í því felast spennandi tækifæri, t.d með uppbygging miðbæjar og aukin þjónusta við íbúa. Fyrirhuguð uppbygging ævintýragarðs í Ullarnesbrekkum er gott dæmi um framtíðarsýn og áherslu á grænan og fjölskylduvænan bæ.  Það er von mín að sveitafélagið hafi sem fyrst bolmagn til að koma þeim skemmtilegu og spennandi hugmyndum sem uppi eru um garðinn í framkvæmd.  En svæðið er til staðar og er í dag ævintýralegur staður. Það er mikilvægt að halda vel utan um þau fjölmörgu útivistasvæði sem við eigum því þau auka án efa lífsgæði okkar íbúanna.  

Bæjarbragur með grænum miðbæ

Nýtt miðbæjarskipulag hefur verið unnið á síðustu misserum.  Í þeirri vinnu var mikil áhersla lögð á að fá fram hugmyndir um þarfir og væntingar íbúa til miðbæjarins.  Nýja miðbæjarskipulagið hefur hlotið víðtæka umræðu og kynningu þar sem leitast var við að fara nýjar leiðir við að virkja íbúana í umræðunni og kalla eftir þeirra sjónarmiðum. Ég get fullyrt að ekkert skipulag hafi fengið jafn mikla og góða umræðu og kynningu. Það er mjög mikilvægt að klára sem fyrst heilstætt skipulag fyrir þetta svæði svo hér geti byggst upp fallegur miðbær.  Enginn gerir ráð fyrir því að miðbærinn byggist að fullu upp á næstu árum en skipulag er forsenda þess að uppbygging geti hafist.  Nú þegar hefur verið ákveðið að framhaldsskólinn verði staðsettur í miðbænum en það er lyftistöng fyrir hann og tryggir aukið mannlíf.  Einnig hefur farið fram samkeppni um kirkju og menningarhús sem staðsett verður í miðbænum.  Sú glæsilega bygging verður eitt af einkennum hans.  Nýtt miðbæjarskipulag leggur jafnframt mikið upp úr grænni og náttúrulegri ásýnd.  Með skrúðgarði við Bjarkarholt og fallegu klöppunum okkar verður náttúrunni sá sómi sýndur sem hún á svo sannarlega skilið.  Á því tæpa ári sem liðið er frá því ég tók við formennsku í skipulags- og byggingarnefnd hef ég leitast við að halda áfram því góða starfi sem unnið hefur verið í nefndinni á síðust árum undir forystu Haraldar Sverrissonar bæjarstjóra.  Ég hef lagt mikla áherslu á virkt upplýsingaflæði og að fá fram skoðanir og viðhorf íbúa.  Skipulagsþing var haldið í haust en markmið þess var að fá sem flesta íbúa til að tjá skoðun sína og sjónamið um þróun skipulags í sveitafélaginu okkar.    Bryndís Haraldsdóttir formaður skipulags- og byggingarnefnd gefur kost á sér í 2. sæti í prófkjöri sjálfstæðismanna sem fram fer 6. febrúar næstkomandi 

IceSave

Það var sannarlega hjákátlegt að fylgjast með upphafi þingfundar í morgun.  Fundur var settur á alþingi og fundi var frestað á alþingi, þessi rulla endurtók sig á hálftíma fresti fram eftir degi og því ljóst að eitthvað mikið var að gerast í alþingishúsinu, daginn sem boðuð hafði verið atkvæðagreiðsla um Icesave. 

En þegar svo loksins raunverulegur fundur var settur varð fundurinn ekki bara hjákátlegur heldur hreint út sagt sorglegur.  Þingmenn komu upp hver á fætur öðrum og óskuðu eftir því að umræðu væri frestað þar sem enn voru að berast gögn um málið og ekki hafði fengist tími til að fara yfir þessi gögn.  Í stað þess að fresta fundi aftur til að gefa þingmönnum tækifæri á að vinna vinnuna sína, þá fór fram málfundaræfing þar sem löngum tímum vær eytt í umræður um fundarstjórn forseta þar sem minnihluti óskaði eftir frestun til að fara yfir ný gögn í málinu en því var ekki svarað af forseta.  Þingmenn virtust ekki hafa allir sömu gögn undir höndum og bara alls ekki allir staddir í sama kaflanum og sumir kannski bara í einhverri allt annarri bók.

Undir kvöld þegar svo höfðu náðst samningar um að ganga til atkvæða gat ég ekki setið heima lengur og lagði af stað niðrí miðbæ.  Ég hugsaði með mér að ég yrði bara að sjá það með eiginaugum að þingmenn segðu já við þessu frumvarpi.  En nei á pallana komst ég ekki þar sem hurðin var bara lok lok og læs.

En þvílík vonbrigði að svona skyldi fara að 33 þingmenn skulu hafa greitt frumvarpinu atkvæði sitt.  Sérstaklega finnst mér þó furðulegt að þeir þingmenn sem tala fyrir lýðræði, beinu lýðræði og hafa oftar en einnusinni lagt til að mál fari í þjóðaratkvæði skulu svo hafa hafnað breytingatillögu þess efnis í kvöld.  Skiptir sannfæring þá engu en hvort þingmaðurinn sé í stjórn eða stjórnarandstöðu öllu.

Framhaldsskólinn í Mosfellsbæ

Fyrsti framhaldsskólinn í Mosfellsbæ var settur nú í haust.  Það hefur verið baráttumál Mosfellinga lengi að fá í bæinn framhaldsskóla og því var það sérstakt gleði efni þegar loksins loksins gat hann tekið til starfa.  Ég var ein þeirra sem sat í undirbúningsnefnd á sínum tíma um framhaldsskóla í Mosfellsbæ.  Þar var meðal annars farið yfir framtíðar staðsetningu hans áherslur og fleira.  Úr varð að skólanum var valin staður í miðbæ Mosfellsbæjar sem að ég tel mjög mikilvæg lyftistöng fyrir miðbæinn.  Sumir halda því nú fram að í Mosfellsbæ sé enginn miðbær og hægt er að færa rök fyrir því en nú er einmitt nýtt miðbæjarskipulag í auglýsingaferli og er framhaldsskóli mikilvægur hlekkur í því skipulagi. 

Í bjartsýnni fyrri ára var ég að vona að skólin myndi taka til starfa í framtíðarhúsnæði sínu, en í ljósi árferðis var ljóst að það yrði ekki hægt og því yrðum við að finna skólanum bráðabirgðahúsnæði.  Brúarland varð fyrir valinu og tel ég það einstaklega skemmtilegt að því merka húsi hafi aftur verið falið hlutverk menntastofnunar með því að hýsa fyrsta framhaldsskólann okkar fyrstu árin. 

En nú hefur hönnunin verið boðin út enda eflaust góður tími til að leita eftir slíkum tilboðum.  Mikilvægt er að vanda vel til verks enda stendur skólalóðin á áberandi stað í miðjum bænum.  

Hönnun framhaldsskóla boðin út

Stýrivextir Seðlabanka Íslands 12% - Stýrivextir Seðlabanka Evrópu 1% munurinn 11%

Stýrivextir Seðlabanka Evrópu verða áfram 1% og hafa aldrei verið jafn lágir, stýrivextir Englandsbanka verða áfram 0,5% en á Íslandi eru stýrivextir 12% hvernig má þetta vera.

Fjárlagafrumvarpið gerir ráð fyrir verulegum niðurskurði, eitthvað sem allir áttu von á.  Ríkisstjórnin reynir af veikum mætti að auka tekjur ríkissjóðs með skattahækkunum.  Hvaða áhrif hefur það til langstíma ?  Ég óttast að það drepi skattstofnana sem þýðir þá til lengri tíma litið minni tekjur.

Væri ekki skynsamlegra að koma hjólum atvinnulífsins aftur af stað til að tryggja skattstofnanna okkar og reyna að stækka kökuna ?  Lítið hefur bólað á aðgerðum stjórnvalda í þá átt, þvert á móti berst okkur fréttir af aðgerðum sem eru beinlínis til þess fólgnar að stöðva hjól atvinnulífsins.

Væri ekki ráð að fylgja þeirri stefnu sem önnur ríki hafa notað til að stemma stigu við kreppunni og lækka stýrivexti.  Það er alveg ljóst að stýrivextir upp á 12% til langs tíma mun ganga að atvinnulífinu dauðu.

Óbreyttir stýrivextir á evru-svæðinu

Lóðaskortur skapað umfremdar ástand á fasteignamarkaði.

Dagur B. Eggjartssonar heldur því fram að lóðaskortur sem myndaðist í Reykjavík á valdatíma R-listinans hafi ekki verið svo slæmt.  Eða allavega skárra en offramboð.  Ég er honum ekki sammála.

Það er einmitt lóðaskorturinn sem hækkaði verð lóða og þar að leiðandi fasteigna svo gríðalega að fjöldi fjölskyldna sitja nú föst í skuldafjötrum. 

Það er auðvitað margt sem spilar þar inn í en sú staðreynd að lóðir var ekki að fá í Reykjavík, skapaði mikla skekkju á markaðnum sem aftur olli gríðalegri hækkun á lóðarverði.  Fjöldi verktaka fór á höfuðið eftir að hafa greitt allt of mikið fyrir lóðir til Reykjavíkurborgar. 

Lóðir voru verðlagðar eins og við værum með mjög takmörkuð gæði í höndunum en það er alls ekki raunin hér á Íslandi. 

100 milljarða ónotuð fjárfesting

Ögmundur fylgir sannfæringu sinni

Fréttir þess efnis að Ögmundur Jónasson hafi sagt af sér gæti verið skýr skilaboð um það að stjórninni riði til falls.

Ögmundur sýndi með þessu að hann fylgir sannfæringu sinni en hvað gera hinir þingmenn flokksins ? Eru þeir tilbúnir að fórna sannfæringu sinni og það í viðamesta máli þingsins, sjálfu Icesave málinu. 

Trúa þeir því virkilega að það að ganga að fáránlegum kröfum Breta og Hollendinga sé lausn okkar út úr kreppunni ?  

Það er ljóst að Samfylkingin er að feta þessa leið vegna þess að þeir trúa því að skjót innganga í ESB sé það mikilvæg að hægt sé skuldbinda þjóðina með Icesave samningnum.  Innganga í Evrópusambands klúbbinn er það eina sem knýr þau áfram í þessu máli.  Ég tel samt að íslenska þjóðin hafi ekki áhuga á inngöngu í ESB og þeir sem hafa á einhverjum tíma punkti verið hallir undir það hafa skipt um skoðun eftir að "vinaþjóðin" Bretar stimpluðu okkur sem hryðjuverkamenn.

 

Ögmundur segir af sér

Aðalfundur Heimilis og skóla

Fréttatilkynning Aðalfundur Heimilis og skóla var haldinn í dag, 30.04.09 Á fundinum var kosin ný stjórn en hana skipta: Sjöfn Þórðardóttir formaður   - Seltjarnarnes Brynhildur Pétursdóttir           - Akureyri Bryndís Haraldsdóttir                          - Mosfellsbæ Eva Dís Pálmadóttir                - Egilsstöðum Þórður Ingi Bjarnason             - SkagafirðiSigurlaug Anna Jóhannsdóttir            - Hafnarfjörður Jóhanna Gústavsdóttir            - Kópavogur   Ketill Magnússon                    - Reykjavík  Kjartan Arnfinnsson               - Hafnarfjörður                           Svala Sigurgeirsdóttir              - Selfoss  Barbara Björnsdóttir               - Reykjavík    Eftirfarandi ályktun var samþykkt á fundinum:

Í ljósi efnahagsþrenginga hvetur aðalfundur Heimilis og skóla – landssamtaka foreldra stjórnvöld til að standa vörð um samfélags- og velferðarmál. Það er brýnt að huga að þörfum og velferð barna og ungmenna og styrkja fjölskyldur á þessum erfiðu tímum. Ljóst er að víða þarf að skera niður. Mikilvægt er að sá niðurskurður bitni ekki á börnum og ungmennum.  Allar niðurskurðartillögur þarf að ígrunda vandlega með hliðsjón af þeim afleiðingum sem þær geta haft til lengri tíma litið. Það er áríðandi að halda uppi styrku velferðarneti fyrir fjölskyldurnar í landinu, hlúa að velferð og menntun og standa vörð um grunnþjónustu við börnin.

 

Jafnframt hvetjum við fjölskyldur í landinu til að rækta garðinn sinn, treysta vináttubönd og njóta jákvæðra og uppbyggjandi samskipta. Með því móti geta allir lagt sitt af mörkum við að gera samfélagið barnvænna.

Fjölskyldan á Idol

Fjölskyldan hefur haldið til í Smáralind síðastliðin föstudagskvöld til að fylgjast með Önnu Hlín frænku í Idolinu.

Anna Hlín er afburða góð söngkona og hefur ætið fengið mjög góða dóma.  Jón Ólafs sagði Önnu Hlín besta flytjandann í ár.  Björn Jörundur krýndi hana diskódrottningu framtíðarinnar.   Selma segir hana frumlegan og frábæran tónlistarmann.   En Anna Hlín hefur því miður þrisvar lent í neðstu sætunum, þrátt fyrir frábæra frammistöðu.  Skrítið hvernig þessi símakosning virkar, það eru greinilega ekki hæfileikar sem ráða för þar.  Ég vona svo sannarlega að áhorfendur kjósi hana áfram í úrslitaþáttinn næstkomandi föstudag.